ციფრული ბარათი

ბარათის შესაკვეთად მომხმარებელი გადის შემდეგ ეტაპებს:

• შედის ინტერნეტ ბანკში
• მენიუში ირჩევს: ბარათები
• ბარათების ჩანართში აჭერს ღილაკს: ახალი ბარათი
• ჩამონათვალში ირჩევს: ციფრული ბარათს
• ანგარიშთა კომპლექტში ირჩევს ბარათის შექმნას: ახალ ან არსებულ ანგარიშთა კომპლექტზე
• ეთანხმება პირობებს და გაგზავნა ღილაკით ადასტურებს ბარათის შეკვეთას
   

ციფრული ბარათის შეკვეთა სადებეტო ბარათის შეკვეთისგან აქტივაციის ნაწილით განსხვავდება. სხვა სადებეტო ბარათის შეკვეთისას მომხმარებელი უთითებს ფილიალს, სადაც სურს ბარათის მიღება, ციფრული ბარათის შემთხვევაში ეს ველი აქტიური არ არის, რადგან მისი აქტივაცია მობაილ/ინტერნეტ ბანკშივე ხდება. 

• თუ მომხმარებელმა შეკვეთისას „ანგარიშების კომპლექტში“ მიუთითა „ახალი ანგარიშის კომპლექტი,“ მაშინ დაგენერირდება საბარათე ანგარიშები ლარში, დოლარსა და ევროში. პარალელურად, დარეგისტრირდება ციფრული ბარათი და ახალი ანგარიშები მიებმევა მასზე. აღნიშნულ პროცესს, ბარათის გასააქტიურებლად, სჭირდება საშუალოდ 8 წუთი. 
• თუ მომხმარებელმა „ანგარიშების კომპლექტში“ მიუთითა „არსებული ანგარიშის კომპლექტი,“ მაშინ ციფრული ბარათი მიებმევა კლიენტის მიერ მითითებულ არსებულ ანგარიშებს. აღნიშნულ პროცესს, ბარათის გასააქტიურებლად ასევე, 8 წუთი სჭირდება.
   

როდესაც დასრულდება ბარათის რეგისტრაციისა და აქტივაციის პროცესი, მომხმარებელს შესაძლებლობა აქვს ციფრული ბარათის პინ-კოდი გაიგზავნოს სმს-ის სახით, მსგავსად სხვა სადებეტო ბარათებისა. ამისათვის მომხმარებელი ინტერნეტ ბანკში გადის შემდეგ ეტაპებს:

• მენიუში ირჩევს: ბარათები
• აკლიკებს შესაბამის ანგარიშთა კომპლექტზე
• ციფრული ბარათის გასწვრივ ირჩევს „პინკოდის განახლება“-ს
• ადასტურებს პინის განახლების სურვილს, რის შემდეგაც სმს-ად ეგზავნება დროებითი პინი, ხალიკ ბანკის ბანკომატებში შეცვლის რეკომენდაციით.
   

ელ. კომერციისთვის ბარათის მონაცემების ცოდნაა აუცილებელი. ვინაიდან ციფრული ბარათი არსებობს ვირტუალურად, მომხმარებელს ფიზიკურად ხელი არ მიუწვდება მასზე. ამიტომაც ბარათის სრული მონაცემების სანახავად, ინტერნეტ ბანკში მომხმარებელი გადის შემდეგ ეტაპებს:

• მენიუში ირჩევს: ბარათები;
• აკლიკებს შესაბამის ანგარიშთა კომპლექტზე;
• ციფრული ბარათის გასწვრივ ირჩევს „სრული მონაცემები“-ს ღილაკს, რომელზე დაკლიკებითაც გამოდის სმს ვერიფიკაციის ფანჯარა;
• სმს კოდით ვერიფიკაციის წარმატებით გავლის შედეგად ჩნდება ბარათის საიდენტიფიკაციო მონაცემები: ბარათის 16 ნიშნა ნომერი, მოქმედების ვადა და CVV კოდი.

ბარათის საიდენტიფიკაციო მონაცემები ნებისმიერ არხში, უსაფრთხოების ნორმებიდან გამომდინარე, ხელმისაწვდომია მხოლოდ 3 წუთის განმავლობაში, რომლის გასვლის შემდეგაც აღნიშნული ინფორმაცია ქრება. საჭიროების შემთხვევაში, საჭიროა მომხმარებლის მიერ მისი ახლიდან გამოთხოვა იგივე ეტაპების გავლის გზით.

ციფრული ბარათის გაუქმებას მომხმარებელი შეძლებს მხოლოდ ფილიალებში, მსგავსად სხვა სადებეტო ბარათებისა, ბანკში არსებული სტანდარტული პროცედურის შესაბამისად.

ერთი მომხმარებლის ერთ ანგარიშთა კომპლექტზე, შესაძლებელია მხოლოდ ერთი ცალი ციფრული ბარათის ქონა. ამასთანავე, დასაშვებია ერთი მომხმარებლისთვის ჯამურად არაუმეტეს 5 (ხუთი) ცალი ციფრული ბარათის ქონა.