ვის შეუძლია სუბსიდირების პროგრამით სარგებლობა:

• ოჯახს, მარტოხელა მშობელს ან ქვრივს თუ სესხის აღების მომენტში ჰყავს 2023 წლის 1 სექტემბრის შემდეგ დაბადებული 1 წლამდე ასაკის შვილი.
• ოჯახს, მარტოხელა მშობელს ან ქვრივს, თუ სესხის აღების მომენტში უკვე ჰყავს 3 ან მეტი შვილი (ერთ-ერთი შვილი მაინც უნდა იყოს ერთ წლამდე ასაკის), შვილის შეძენის ან აყვანის შემთხვევაში შესაძლებლობა აქვს პროგრამაში ჩაერთოს 2022 წლის 1 სექტემბრის შემდეგაც.
• ბენეფიციარი უფლებამოსილია პროგრამით ისარგებლოს მეორეჯერაც, თუ პროგრამაში ჩართვის შემდეგ შეეძინება ან/და შვილად აიყვანს მე-4 ან მეტ შვილ(ებ)ს. ასეთ შემთხვევაში მსესხებელი უფლებამოსილია აიღოს ჯამში 200 000 ლარი სესხი;
• ოჯახს, მარტოხელა მშობელს ან ქვრივს, რომელსაც სესხის აღების მომენტში ჰყავს არასრულწლოვანი შვილი, რომელიც აყვანილია 2021 წლის 1 სექტემბრის შემდეგ (აუცილებელია, სესხის აღების მომენტში, ერთ წლამდე ასაკის იყოს შვილი).

სააგენტო პროგრამის ფარგლებში ახორციელებს ბენეფიციარისთვის გაცემულ სესხზე დარიცხული საპროცენტო განაკვეთის სუბსიდირებას, სესხის გაცემიდან 60 (სამოცი) თვის განმავლობაში შემდეგნაირად:

• საქართველოს ეროვნული ბანკის მიერ დადგენილ რეფინანსირების განაკვეთს გამოკლებული 3,5 %-ი, მაგრამ არაუმეტეს 6 %-ის ოდენობით - თუ მსესხებელს ჰყავს 1 ან 2 შვილი.
• საქართველოს ეროვნული ბანკის მიერ დადგენილ რეფინანსირების განაკვეთს გამოკლებული 1,5 %-ი, მაგრამ არაუმეტეს 8%-ის ოდენობით - თუ მსესხებელს ჰყავს 3 ან მეტი შვილი.

*თუ ქონების შესაძენად/ასაშენებლად გჭირდებათ მეტი თანხა, დარჩენილი თანხა დაფინანსდება პარალელური იპოთეკური სესხით, რომელზეც არ მოხდება სახელმწიფოს მხრიდან პროცენტის თანადაფინანსება.
თუ სესხის გაცემიდან 5 წლის მანძილზე შეგეძინებათ მე-4 ან მეტი შვილი, შეგიძლიათ ისარგებლოთ დამატებით მაქსიმუმ 200,000 ლარიანი იპოთეკური სესხით, რომელზეც გაცემიდან 5 წლის მანძილზე ასევე გავრცელდება პროცენტის თანადაფინანსების სახელმწიფო პროგრამა.
**მოცემული საპროცენტო განაკვეთი მიბმულია საქართველოს ეროვნული ბანკის რეფინანსირების განაკვეთზე, რომელიც შესაძლოა შეიცვალოს (გაიზარდოს ან შემცირდეს), შესაბამისად შეიცვლება სესხის საპროცენტო განაკვეთი და სესხის შენატანი.